Ако не успее да го доведе Исак, Ливерпул решението го гледа во Португалија

Александер Исак останува прва цел на Ливерпул, но доколку пропадне трансферот на Швеѓанецот, „црвените“ имаат подготвен план Б, а тоа е Саму Омородион.

Младиот шпански напаѓач зад себе има одлична сезона во дресот на Порто со 19 гола на 30 натпревари во португалското првенство. Блескаше и на европската сцена со 6 гола во Лига Европа, а се запиша меѓу стрелците и на Светското клупско првенство со 2 погодоци на 3 настапи.

Минатото лето тој беше блиску до трансфер во Челси, но на крај заврши во Порто каде ја потврди својата класа. Неговата моментална вредност изнесува околу 50 милиони евра, што е тројно помалку од сумата што Ливерпул треба да ја плати за Исак (150 милиони).