Голема желба на Реал Мадрид е од следната сезона на клупата да го доведат младиот стратег Чаби Алонсо.
Шпанецот кој го одведе Баер Леверкузен до историски трофеј врши одлична работа во Германија, а со тоа го привлече вниманието на гигантите. „Кралевите“ будно го следат својот поранешен фудбалер и сакаат да го убедат да ја наследи клупата од Карло Анчелоти кој би можел да замине налето.
Наводно, Алонсо веќе бил контактиран од Реал Мадрид, а поставил и одредени барања. Тој сака контрола врз трансфер политиката и креирањето на тимот кој ќе го води.
Доколку Чаби Алонсо седне на клупата на Реал, две ѕвезди ќе отпаднат од комбинација. Станува збор за Орелиен Чуамени и Ферланд Менди, дуо кое не се вклопува во филозофијата на шпанскиот тренер, открија тамошните медиуми.