Ајакс повторно менува тренер!

Ајакс реши повторно да го смени тренерот по новите разочарувачки резултати во холандското првенство.

Клубот од Амстердам објави дека Фред Грим повеќе нема да го води тимот, а неговото место до крајот на сезоната ќе го преземе Оскар Гарсија. Шпанскиот стратег пристигна во клубот минатиот месец со задача да го води вториот тим, но по последните случувања доби шанса да седне на клупата на првиот состав.

Одлуката следува по поразот од Гронинген со 1-3, резултат кој дополнително ја продлабочи кризата на Ајакс. Амстердамскиот тим во моментов се наоѓа на 5. место со 44 бода и заостанува зад водечките екипи во трката за врвот.

Грим заминува по серија слаби настапи и само една победа на последните седум натпревари.