75 годишниот Шкот,
кој замина во пензија во 2013, често од ложата ги следи натпреварите на
Манчестер јунајтед во својата нова улога на директор и амбасадар на клубот.
Сер Алекс
Фергусон беше познат по експлозивниот темперамент покрај аут линијата кога беше
на кормилото на „Црвените Ѓаволи“, но тој сега вели дека е многу порелаксиран и
ужива во натпреварите.
Сепак, признава
дека средбите со големите ривали Ливерпул и Манчестер Сити го прават нервозен и
во пензија.
„Кога ми ја
доделија улогата директор и амбасадор, тоа беше перфектна позиција, можам да ги гледам натпреварите, да уживам и од време на време да патувам со тимот” – вели Ферги.
„Не се возбудувам
премногу, уживам кога го гледам Манчестер јунајтед”.
„Секогаш нешто се
случува, без разлика дали победуваме или губиме”.
„Нервозен сум
само кога играме со Ливерпул и Манчестер Сити, бидејќи ова се најголемите
натпревари”.
„Ништо не може да
се спореди со дуелот со Ливерпул, и секако пресметката со Манчестер Сити,
откако тие се искачија на видно место во англискиот фудбал, па сега и натпреварите
со градскиот ривал се многу важни”.