Турската фудбалска федерација контактирала фудбалер да игра со нив бидејќи неговото име им звучело турски

Дефанзивецот на Хофенхајм, Никлас Шиле важи за најперспективниот одбрамбен играч во Германија. Од наредната сезона ќе го носи дресот на Баерн Минхен, потпиша за германскиот гигант, а претходно одби понуда од Челси.

Шиле кој ги има поминато сите германски селекции, а веќе дебитираше и за сениорската, открива еден интересен момент поврзан со Турција.

„Кога играв за Германија У16, добив повик од Турската фудбалска федерација да играм за нив, моето презиме (Süle) им звучело турски, а јас немам никаква поврзаност со таа земја“ – изјави Шиле.

Шиле сепак не е чист Германец, има и унгарско потекло по неговиот татко.