Кога Еден Азар
беше промовиран како нов фудбалер на Реал Мадрид, изјави дека не знае кој дрес
ќе го носи во новата сезона. „10-ката“ е на грбот на Лука Модриќ, Белгиецот го
прашал дали може да ја добие но добил негативен одговор.
Се најавуваше
дека бројот 7 ќе му припадне на Еден Азар, но и овој дрес беше окупиран и беше во сопственост на Маријано Диаз.
Еден Азар на
подготовките изненади со изборот и се реши за дресот со бројот 50, но очигледно
ова беше само за промотивни цели на турнејата во САД.
Реал Мадрид
попладнево ги соопшти броевите за новата сезона и Еден Азар ја доби
легендарната „7-ка“ која претходно ја носеше Кристијано Роналдо.
Број доби и Хамес
Родригез, кој не е дел од плановите на Зинедин Зидан и се очекува да замине. На
Колумбиецот му припадна бројот 16.
