Синот на газдата на Интер лично се вклучил во преговорите, испратена нова понуда за Лукаку

„Нероаѕурите“ со
месеци се обидуваат да стигнат до потписот на Белгиецот, но Манчестер јунајтед
не сака лесно да се откаже од напаѓачот и постави цена од околу 80-85 милиони
евра.

Интер достави
неколку предлози, кои експресно беа одбиени од „ѓаволите“, но клубот од Џузепе
Меаца не се откажува и тргна во финална офанзива.

Голем број на
извори пренесуваат дека агентот на Ромелу Лукаку е во Лондон, а во преговорите
се вклучил и претседателот на Интер Стивен Жанг, кој е син на сопственикот.

Се шпекулира дека
Интер на маса ќе стави 70-75 милиони евра, како и серија бонуси со кои трансферот
може да се искачи на 83 милиони евра и верува дека овој предлог ќе биде доволен
за Ромелу Лукаку да се пресели во Милано.