Гризман има среќа што не заработи тешка повреда на дебито, Челси ја совлада Барса во Јапонија (ВИДЕО)

Во Саитама, во
рамките на Ракутен Куп, Челси ја доби пресметката со Барселона и триумфираше со
2-1. За „каталонците“ ова беше прв тест ова лето и шанса за први минути за
новајлиите Антоан Гризман, Френки Де Јонг и Нето.

Мешаниот состав
на Валверде добро се држеше се до 34. минута, кога Бускетс погреши во опасната
зона, топката стигна до Абрахам и младиот напаѓач на Челси го помина Тер Штеген
и реализираше за 1-0.

Во продолжението
од мечот беа направени многу измени па немаше високо темпо и атрактивен фудбал.
За вториот гол се чекаше дури до 81. минута кога Баркли доби малку повеќе
простор и прецизно биеше од врвот на шеснаесетникот за 2-0. Иван Ракитиќ во
првата минута од судиското надополнување ги постави конечните 2-1.