Ибрахимовиќ се врати по тешката повреда, но брзо потоа стигна информација дека на Швеѓанецот ќе му биде потребно повеќе време за да биде комплетно фит.
„Тој работи напорно за да биде фит. Не велам дека е повреден бидејќи не е повреден. Мислам дека во моментов работи да се почувствува дека вистински е подготвен за барањата на Премиерлигата“, вели Мурињо.
Се појавија шпекулации дека Ибрахимовиќ би можел да потпише за Лос Анџелес Галакси.
„Тој ништо не ми кажал за тоа. Прв пат прочитав или слушнав од вас. Читав некои веб страни и слушав некои канали. Никогаш не ми рекол тој ништо за заминување, па не знам. Знаете, Златан е во последната година од договорот. Тој ништо не ми кажал, но доколку е вистина и сака да оди во друг клуб, во друга земја, ние сме тука да му помогнеме да го направи тоа, а не да му го направиме животот потежок. Но ќе повторам, последното нешто што ми го кажа е дека сака да се опорави комплетно, да се чувствува подготвено за да му помогне на тимот. Тоа го слушнав последно од него“, вели Мурињо.
А, додека Мурињо зборува на прес конференцијата за Златан Ибрахимовиќ, тој е во Штип каде се релаксира со лов. Можеби тоа е дел од неговата психолошка подготовка.