Меси со прекрасен гол донесе нова победа на Барса, помогнаа и судиите (ВИДЕО)

Алавес имаше фантастично отварање на мечот на Камп Ноу, во 23. минута со гол на Гуидети поведоа со 1-0.

Кутињо за прв пат беше стартер во дресот на Барселона, но не успеа да помогне, беше изваден од игра во 66. минута, на негово место влезе Пако Алкасер.

Во 72. минута Луис Суарез го изедначи резултатот на 1-1 и донесе надеж на Барселона за пресврт.

Во 83. минута прекршок за слободен удар над Пако Алкасер кој беше во голем офсајд кога ја прими топката, судиите не го видоа тоа. Од слободниот удар Меси постигна прекрасен гол за победа на Барселона од 2-1.

Играчите на Алавес беа бесни и на уште еден момент во финишот од мечот кога судиите не им досудија пенал поради играње со рака во шеснаесетникот на Барселона.