90 милиони за засилување на дефанзивата, Манчестер Сити договори и перспективен Бразилец

Манчестер Сити договори и второ засилување за дефанзивата, „граѓаните“ ќе инвестираат околу 40 милиони евра за 19 годишниот Витор Реис од Палмеирас.

Актуелниот шампион на Англија ќе инвестира 90 милиони евра за засилување на дефанзивата овој месец.

Откако падна дил за ангажман на 20 годишниот Абдукодир Хусанов од Ленс во зделка вредна околу 50 милиони евра, Манчестер Сити договори уште еден перспективен дефанзивец.

Станува збор за 19 годишниот Витор Реис од Палмеирас, и за ангажман на Бразилецот ќе бидат одвоени околу 40 милиони евра.

Се говореше за можноста момчето да остане во Палмеирас барем до крајот на сезоната, но „граѓаните“ побарале Витор Реис веднаш да му се стави на располагање на Пеп Гвардиола.