Јувентус ќе ја засили одбраната со поранешен капитен на Интер!

Дефанзивецот на ПСЖ, Милан Шкрињар има вербален договор за трансфер во Јувентус, останува само уште клубовите да се договорат за висината на обесштетувањето.

Поранешниот капитен на Интер, Милан Шкрињар со големи амбиции замина во ПСЖ, но таму не се прослави, не е среќен па сака да се врати во Серија А.

Јувентус во него гледа како идеално засилување за одбраната, гигантот од Торино постигнал договор за личните услови со Шкрињар.

Во наредниот период останува ПСЖ и Јувентус да се обидат да се договорат за реализација на овој трансфер кој би се случил во јануарскиот преоден рок.