Јувентус крева раце од Санчо, Англичанецот бара преголема плата

Јувентус излегува од трката по Џејдон Санчо, италијанскиот клуб не може да му ја даде платата која ја бара англичанецот.

Гигантот од Торино беше сериозно заинтересиран за Санчо, во изминатите денови се водеа конкретни преговори, но трансфер најверојатно нема да се случи.

Платата на Санчо е 10 милиони евра, Јувентус не сака да ја плаќа таа сума, фудбалерот не сака да прифати помалку, а ниту Манчестер јунајтед не сака да учествува со исплата на дел од примањата на Англичанецот.

Санчо се надева дека до крајот на преодниот рок ќе најде нов клуб, бидејќи е очигледно дека во Манчестер јунајтед нема иднина.