Фудбалерите на Реал Мадрид се радуваа на голема победа во рамките на 13 коло на Ла Лига, против екипата на Осасуна (4-0).
Делува како клубот од Памплона да го плати цехот за двата тешки порази од Барселона (0-4) и Милан (1-3). Критиките на социјалните мрежи и во медиумите беа огромни, а сега тимот на Карло Анчелоти покажа добра реакција. Освен тимот како целост, реакција имаше и од Винициус Жуниор кој одговори со хет-трик на тоа што не ја доби Златната топка.
Средбата тргна лошо за „кралевите“ бидејќи Анчелоти доби нови главоболки. Родриго и Милитао се повредија па мораше да ги замени уште во првиот половина час.
Што се однесува до головите, Вини го отвори резултатот во 34 минута, а веќе во 42 Белингем зголеми на 2-0. Во продолжението бразилскиот напаѓач погодуваше пак во 61 и 69 минута поставувајќи го конечниот резултат.
Со оваа победа Реал остана на шест бода зад водечката Барселона во Ла Лига.