Екипата на Фиорентина на гостински терен го декласираше Лече славејќи победа со 6-0.
„Виолетовите“ одржаа час по фудбал на домаќините, но победата можеби немаше да биде толку убедлива ако Лече во 43. минута не останеа со играч помалку, црвен картон заработи Антонио Гало.
Пред тој момент Фиорентина веќе водеше 2-0 со головите на Данило Каталди и Андреа Колпани. Набрзо по црвениот картон Фиорентина постигна и трет гол, стрелец повтроно беше Каталди од слободен удар.
Во вториот дел гостите од Фиренца постигнаа уште три гола. Колпани постигна втор гол, а стрелаа уште Лукас Белтрани и Фабиано Паризи.
Во вториот натпревар во истиот термин Аталанта со 2-0 беше подобра од Валенсија.
