Три дена чекаа во Германија за осминафинале, а сонот им го уништи најголемото изненадување на ЕП

Фудбалерите на Унгарија својот настап на Европското првенство го завршија уште во неделата, со победа над Шкотска изборена по 100 минути игра (0-1) останаа во трка за осминафинале.

Чекаа Унгарците три дена да се комплетира групната фаза, со надеж дека никој нема да ги исфрли од групата на третопласирани репрезентации и добро им одеше. Ги „преживеаја“ првите два дена, а потоа шокот пристигна кога најмалку очекуваа.

Грузија ја шокира фаворизираната Португалија, победи со 2-0 и со тоа дојде до 4 бода со кои се етаблира на табелата на третопласираните како безбедна. На својот дебитантски настап Грузијците ќе играат осминафинале и тоа на сметка на Унгарија која по три дена бадијала чекање ќе се врати дома.