Македонскиот репрезентативец Ељиф Елмас и во следните две години ќе има ист тренер на клупата на РБ Лајпциг.
Германскиот клуб му верува на Марко Розе, па му даде нов договор вреден до јуни 2026 година. Германскиот стручњак од 2022 година седи на клупата на „биковите“ од Лајпциг, досега го водеше тимот на 86 официјални натпревари. На нив запиша 53 победи, 14 нерешени и 19 порази.
Marco Rose ✍️ 2⃣0⃣2⃣6⃣
RB Leipzig und Cheftrainer Marco #Rose haben den bestehenden Vertrag vorzeitig um ein Jahr bis Sommer 2026 verlängert 🤝
Wir freuen uns auf die gemeinsame Zukunft!#WirSindLeipzig 🔴⚪️
Токму Розе беше еден од „заговорниците“ за доведувањето на Елмас во Бундеслигата. Иако во првата полусезона македонскиот фудбалер не добиваше претерано многу шанси и главно беше резервист, се очекува дека по периодот на аклиматизација Елмас поредовно ќе заигра за Лајпциг. Самиот Розе во неколку наврати зборуваше дека има голема верба во македонскиот играч за врска.
