Тотре од Ворскла се пресели во Турција

Во последниот ден од преодниот рок Енур Тотре од украинската Ворскла Полтава се пресели во турскиот второлигаш Сакаријаспор.

Минатата сезона Тотре настапуваше како позајмен фудбалер во Шкендија, а и откако стана јасно дека и во оваа не е во плановите на Ворскла побара нова средина.

27-годишниот Тотре во кариерата настапуваше и за албанска Тирана, успеа да запише и три настапи за сениорската репрезентација на Македонија.

Во последната сезона за Шкендија одигра 31 натпревари и постигна пет гола.