Тен Хаг веднаш се враќа на работа, ќе води клуб од Серија А?

Денешните гласини од италијанските медиуми велат дека Ерик тен Хаг станува кандидат за нов тренер на Рома.

Римската волчица е во потрага по нов тренер откако му врачи отказ на Иван Јуриќ, неколку имиња се споменуваат како кандидати, на листата сега се приклучува и Ерик тен Хаг.

Тен Хаг е без работа откако доби отказ од Манчестер јунајтед, но тоа нема да трае долго ако биде назначен за тренер на Рома.

Се очекува во наредните денови, додека трае паузата за репрезентации, раководството на Рома да го одбере новиот тренер.

Покрај Тен Хаг, како сериозен кадидат се издвојува и поранешниот тренер на Брајтон и Челси, Грем Потер.