Денеска се играат втората половина од натпреварите од четвртото коло во Лигата на шампионите, има неколку интересни дуели, а ќе биде занимливо да се види како ќе помине Црвена звезда против Барселона.
Барса под водство на Ханси Флик изгледа страшно, неодамна му даде четири голови на Реал Мадрид на Сантијаго Бернабеу, ако се претстават во моќно светло и во Белград, Црвена звезда може да има големи проблеми.
Флик можеби ќе направи некои промени во тимот, се пишува дека Де Јонг ќе почне од првата минута, но Германецот сигурно ќе сака да ја продолжи големата форма и со стил да ги освои бодовите.
Адут на Црвена звезда ќе биде атмосферата на стадионот, гласната поддршка од навивачите, но би било вистинска сензација доколку избегне пораз.
Интересно ќе биде и во Милано каде Интер ќе го пречека Арсенал. Топчиите пристигнуваат во лоша форма, а момците на Инзаги ќе сакаат да го искористат тоа.
Третиот натпревар кој привлекува внимание е дуелот во Париз каде ПСЖ му е домаќин на Атлетико Мадрид.
Денешните натпревари во ЛШ:
Бриж – Астон Вила
Шахтар – Јанг Бојс
Баерн – Бенфика
Црвена звезда – Барселона
Феенорд – Салцбург
Интер – Арсенал
ПСЖ – Атлетико Мадрид
Спарта Прага – Брест
Штутгарт – Аталанта