122
Селекторот на Англија, Герет Саутгејт ја испофали Србија пред нивниот вечерашен дуел на Европското првенство во Германија.
Англија важи за главен фаворит за освојување на Европското првенство, нивниот пат на шампионатот го почнуваат вчера од 21 часот против Србија.
„Ќе биде многу тешко. Србија има добри индивидуални фудбалери и фантастичен тимски дух. Знаеме дека ова е тежок прв меч за нас и треба да одиграме на нашето најдобро ниво за да победиме“, вели Саутгејт.
„Драган има многу опции, знаеме дека тие можат да играат во различни системи и напаѓачите кои ги имаат можат да создаваат проблеми на било кој тим. Ние треба да се справиме со нивните силни страни и да се обидеме да ги искористиме нивните слабости“.