Рома го одврза ќесето, купи играч од Јувентус за 30 милиони евра!

Сопствениците на Рома конечно се одлучија да вложат во тимот, на Олимпико ќе пристигне Матијас Суле од Јувентус за сума од 30 милиони евра.

Трансферот е договорен, остануваат уште формалностите за тој да биде комплетиран и официјално објавен.

Рома најпрво ќе плати 26 милиони евра, потоа уште 2 милиони евра во лесно остварливи бонуси, и уште 2 милиони евра со потешко остварливи бонуси.

Јувентус ќе добие и 10 проценти од следната продажба на Суле.

Суле е 21-годишен аргентински фудбалер кој главно игра на десната офанзивна позиција, но може да настапува и во средината како втор напаѓач.