„Реал ќе ги има Винисиус, Белингем и Мбапе, но нема да им биде лесно, Барса ги има Педри, Гави и Јамал“

Претседателот на Ла Лига, Хавиер Тебас не мисли дека Реал Мадрид лесно ќе се прошета до титулата идната сезона.

Реал Мадрид ќе го додаде и Мбапе на ионака силниот тим, па многумина сметаат дека кралскиот клуб нема да има конкуренција за да ја одбрани титулата. Но, така не мисли и Тебас.

„Дали Ла Лига ќе стане досадна кога Реал Мадрид ќе го додаде Мбапе на својот тим? Не. Реал Мадрид ќе ги има Винисиус, Белингем и Мбапе, но ќе има голема конкуренција бидејќи Барселона има момци како Педри, Гави и Јамал. Овие имиња не гарантираат трофеи за Реал Мадрид“, вели Тебас.