Преговорите започнале: Манчестер Сити се засилува со играч од 50 милиони евра?

Според информациите на италијанскиот инсајдер, Фабрицио Романо, Савио Мореира може да стане нов играч на Манчестер Сити.

Станува збор за 20-годишен бразилски офанзивец кој е под договор со францускиот Тројес, но изминатата сезона ја помина на позајмица во Жирона. Со добрите настапи во тимот кој приреди изненадување во Ла Лига и го освои третото место, тој го привлече вниманието и од Манчестер Сити.

Романо објави дека Манчестер Сити оваа недела испратил свои претставници за да разговараат околу можниот трансфер.

Во овој момент не е познато колкава би била оштетата, меѓутоа „Трансфермаркт“ го проценува на 50 милиони евра.