Постигнат договор: Перишиќ избра клуб со кој ќе игра во Лигата на шампионите

Хрватскиот фудбалер, Иван Перишиќ ќе ја засили екипата на ПСВ, објави италијанскиот експерт за трансфери Фабрицио Романо.

Како и што се најавуваше Перишиќ по кратката епизода во Хајдук ќе игра во ПСВ кој го избра како најдобра опција. Преговараше Хрватот и со уште неколку клубови, меѓутоа на крајот се одлучи за холандскиот гигант.

Зад себе Перишиќ има богато искуство со играње во: Тотнем, Интер, Баерн Минхен, Волфсбург, Борусија Дортмунд, Сошо и Клуб Бриж.

Во ПСВ пристигнува на 35 години, а како еден од пресудните фактори да го избере овој клуб веројатно е играњето во Лигата на шампионите.