Поради повредата од ЕП, Мбапе не оди со Реал на турнејата во САД

Француската фудбалска ѕвезда Килиан Мбапе нема да патува со Реал Мадрид на турнејата која е закажана во Соединетите Американски Држави.

Новата „деветка“ на „кралскиот“ клуб по консултација со лекарскиот тим одлучи да не оди со тимот на американските натпревари. Причината е повредата која Мбапе ја доби на Европското првенство. Уште во првото коло и мечот со Австрија тој доби скршеница на носот, а со доста мака се врати да игра на турнирот.

Се зборуваше дека Мбапе треба да оди на операција, меѓутоа сега лекарите сакаат добро да испитаат дали е потребен зафат. Поради тоа Французинот ќе го пропушти патувањето во САД.