Познат новиот клуб на Филип Костиќ?

Фудбалерот на Јувентус, Филип Костиќ како што стојат работите ќе го напушти клубот од Торино, а веќе се најавува и неговата следна дестинација.

Според најавите српскиот фудбалер ќе се пресели во редовите на Ал Аин од Обединетите Арапски Емирати каде што тренер е славниот Хернан Креспо.

Ал Аин ја испратил понудата до Јувентус, а наводно и самиот фудбалер немал ништо против ваквиот трансфер.

Понудата која ја испратил Ал Аин до Јувентус била 18 милиони евра, додека на Костиќ му понудиле договор со плата од 5.5 милиони евра годишно. Се очекува Јувентус да ја прифатите оштетата бидејќи договорот на Србинот кој веќе има 33 години истекува летото 2026 година.