Позната првата елиминирана репрезентација од ЕП

Репрезентацијата на Полска е првата елиминирана по две кола на Европското првенство во Германија.

Иако има за играње уште еден натпреваро, селекцијата на Полјаците повеќе нема шанси да опстане на турнирот. Во моментов избраниците на Пробиерж имаат нула бодови по два одиграни натпревари, а пресудно за нив беше ремито на Холандија и Франција.

Дури и со изненадувачка победа над Французите во последното коло, Полска би стигнала до три бода, а тие нема да им бидат доволни. Австрија е третопласирана со три бода и има подобар меѓусебен дуел од Полјаците, па така е и недостижна.