Aргентинскиот голман Емилијано Мартинез денеска стави потпис на нов договор со екипата на Астон Вила.
Мартинез така ја продолжува соработката со тимот од Бирмингем кој во минатата сезона играше одлично и се избори за место во Лигата на шампионите наредната сезона.
Во овој момент Мартинез е еден од најдобрите голмани во светот и сигурно еден од најважните членови на репрезентацијата на Аргентина со која триумфираше на Светското првенство и Копа Америка.
Голот на Астон Вила Мартинез го чува од 2020 година, а новиот договор има важност до 2029 година.
🟣🔵🇦🇷 Emiliano Martínez has signed new deal at Aston Villa valid until June 2029.
