Осогово се раздели со тренерот Илиевски поради лошите резултати

По три одиграни кола Осогово се реши за тренерска смена, кочанскиот клуб освои само бод во првите три кола, па раководството му врачи отказ на Добринко Илиевски.

„Управата на ГФК Осогово и шефот на стручниот штаб Добринко Илиевски спогодбено се договорија за прекин на соработката. ГФК Осогово му благодари за досегашниот аганжман и му посакува успех во понатамошните тренерски води“, стои во соопштението на Осогово.

Осогово прв од второлигашите се реши за тренерска смена. За разлика од втората лига, во првата Вардар веќе двапати менуваше тренер, а по еден отказ поделија и Шкупи и Брера.