Неверојатно: Соиграч на Адеми и Ристовски го одбил Реал за да остане во Динамо!

Според информациите на германскиот „Скај Спорт“, фудбалерот на Динамо Загреб, Мартин Батурина одбил понуда од Реал Мадрид за да остане во Динамо.

Реал сакал да го купи 21-годишниот фудбалер за кој добил препорака од Лука Модриќ.

Модриќ веројатно ја игра последната сезона во Мадрид и „кралевите“ веќе се во потрага по негова замена. По препораката од неговиот сонародник, Реал тргнал во преговори, но биле изненадени од одговорот.

Батурина одлучил да се заблагодари на понудата и да остане во Динамо. Со фудбалерот на „модрите“ претходно се поврзуваше и Фиорентина која и испратила понуда од 15 милиони евра, но во Динамо ја сметале за прениска, па воопшто не се преговарало со Батурина.