Навивачите на Рома не го забораваат Бове, испратија моќна порака за нивниот поранешен играч

Едоардо Бове синоќа ја исплаши цела Италија откако колабираше на мечот меѓу Фиорентина и Интер, за среќа сега е во добра состојба.

Бове потекнува од школата на Рома, својата најголема промоција ја доживеа во времето на Жозе Мурињо кој често сметаше на него и покрај младоста.

22-годишниот фудбалер не беше во плановите на Де Роси, па минатото лето мораше да се пресели во Фиорентина каде што ја продолжи кариерата.

Навивачите на Рома не го забораваат Бове, па денеска испратија моќна порака до него.

„Едоардо, не се предавај. Ние уште сакаме да те гледаме како се бориш на теренот. Противници да, непријатели никогаш, секогаш ќе бидеш Романиста“, стои во пораката на навивачите на Рома.