Тренерот на Јувентус, Тијаго Мота има само пофални зборови за своите фудбалери по победата над Манчестер Сити од 2-0.
Јувентус вчера оствари голема победа во Лигата на шампионите откако со 2-0 го совлада актуелниот англиски шампион, Манчестер Сити кој ја продолжи лошата форма.
„Игравме со срце и душа, но и со глава, со желба да ги правиме работите онака како што треба, на вистинскиот начин“, вели Мота.
„Знаевме пред натпреварот дека треба да се браниме длабоко многу повеќе од вообичаеното, но го правевме тоа заедно, како тим. Во нападот исто така напаѓавме заедно, дадовме гол во вистинско време и тоа е тоа што направивме“.
„Ова е заслужена победа, момците одиграа добро и исто така имавме некои играчи кои се вратија од повреди, што значи дека медицинскиот тим завршил добра работа за фудбалерите да се во добра форма“.