Мбапе не замислуваше ваков старт во Ла Лига, 17 шута, ниту еден гол

Килијан Мбапе даде гол на своето деби во Реал Мадрид кога во Суперкупот на УЕФА кралскиот клуб ја победи Аталанта, но Французинот уште не постигнал погодок во Ла Лига.

Поминаа три натпревари, а Мбапе е без гол. Во тој период Реал Мадрид направи два кикс, одигра реми со Мајорка и Лас Палмас.

Мбапе е во центарот на вниманието, но не поради добри причини, туку поради неможноста да ја покаже формата која ја имаше во ПСЖ.

Статистиката му е ужасна, Мбапе упатил дури 17 удари, а уште ниеднаш не се запиша во листата на стрелците.

На вчерашниот меч против Лас Палмас, Мбапе имаше дури девет шута, но не успеа да даде гол.

Во недела Реал Мадрид игра со Бетис, па можеби тоа ќе биде натпреварот кога Мбапе ќе ја „отвори сметката“ во Ла Лига.