Македонскиот голман Дејан Илиев има нов клуб

Македонскиот чувар на мрежата, Дејан Илиев е промовиран во новиот клуб откако пред неколку дена замина од Сараево.

Илиев во Босна помина само шест месеци, а сега кариерата ја продолжува во Романија каде што ќе брани за тимот на УТА Арад кој е дел од елитата во оваа земја.

Низ кариерата македонскиот голман беше дел од Хелсинки, Тренчин, Серед, Јагелонија, а долги години помина и низ младинските категории на Арсенал.

За репрезентацијата на Македонија има еден настап и тоа против Гибралтар во Лигата на Нации.