Според последните информации од островските медиуми, Ливерпул би можел да добие засилување од Реал Мадрид.
Медиумите во Англија пренесуваат дека во јануарскиот преоден рок Реал Мадрид би можел да се одлучи да го продаде фудбалерот од средниот ред на англискиот гигант.
Детали околу евентуалниот трансфер не се познати, меѓутоа се претпоставува дека Реал Мадрид од овој трансфер би зарабтил сума од околу 100 милиони евра. Се поврзуваше Чуамени со Ливерпул и во пред неколку месеци, а сега „црвените“ наводно го обновиле интересот.
Покрај медиумите на Островот за потенцијалниот ваков трансфер пишуваше и шпанскиот „Релево“.
„Реал Мадрид е подогтвен да разгледа понуда за Чуамени. Анчелоти има се помалку доверба во него и раководството му дава предност на Кавинга“, стои во извештајот на Шпанците.
Чуамени во Реал Мадрид пристигна во 2022 година од Монако во трансфер вреден 80 милиони евра и од тој момент одигра 103 натпревари за Реал Мадрид во кои постигна три гола и додаде пет асистенции.