Ливерпул во новата сезона ќе има и нов клупски грб (ФОТО)

Екипата на Ливерпул освен што ќе има нов тренер во новата сезона ќе влезе и со нов грб.

Гигантот од „Енфилд“ одлучи да направи промена на клупскиот грб, а причина е дигиталниот маркетинг и прилагодувањето за користење на социјалните мрежи.

„Повеќе од 86% од посетителите на официјалниот сајт и 98% од корисниците на клупските канали доаѓаат од мобилните уреди, па поради тоа потребно е и брендирањето на клубот да биде појасно и повидиливо на помалите екрани“, стои во соопштението.

Сезоната Ливерпул ја започнува со натпревар против Ипсвич в сабота од 13:30 часот.