Натпреварите од првиот термин во Лигата на Европа не понудија драматични изненадувања, освен ремито во Рим.
Екипата на Лацио која досега беше единствена на четири победи во исто толку натпревари првпат не победи. Римјаните беа запрени од бугарски Лудогорец на „Олимпико“ (0-0). Подобри беа момците на Барони, притискаа и доминираа, а средбата заврши со почетниот резултат.
Сигурен триумф забележа екипата на Атлетик Билбао против Елфсборг (3-0). Шпанците преку Боиро и Прадос Диаз поведоа уште во првиот дел, а потоа Гурузета стави точка на победата.
Нерешено заврши средбата на Андерлехт и Порто (2-2) во Белгија, а исто така без победник беше дуелот меѓу АЗ Алкмар и Галатасарај (1-1).
Бешикташ изненадувачки азгуби од Макаби Тел Авив (1-3), Викторија Плзен слави кај Динамо Киев (1-2), Лион беше убедлив кај Карабах (1-4) и ПАОК триумфира кај РФС (0-2).