Винисиус Жуниор несакајќи се издаде дека пиратски го гледа натпреварот од Лигата на шампионите меѓу Ливерпул и Реал Мадрид, Ла Лига го забележа тоа и испрати реакција до кралскиот клуб.
Винисиус кој поради повреда го пропушти мечот на Енфилд, објави стори како го гледа натпреварот на ТВ, мечот беше со логото на каналот ТНТ Спортс од Бразил. Ова изнуди реакција од Ла Лига.
На територијата на Шпанија мечевите за Лигата на шампионите ги има откупено Мовистар, за да се гледа на друг канал може само на нелегален начин.
„За време на натпреварот помеѓу Ливерпул и Реал, Винисиус објави фотографија на Инстаграм како го следи натпреварот. На екранот се гледа логото на ТНТ Спортс. Ова е пиратерија. Кога некој ги гледа натпреварите од Лигата на шампионите од Шпанија, тоа мора да се направи преку Мовистар канал, кој ги плаќа правата за споменатото натпреварување во оваа земја“, стои во дописот од Ла Лига испратен до Реал.