Французинот Килијан Мбапе нема најдобар почеток на неговата епизода во Реал Мадрид засега не прикажува настапи какви што се очекуваше од него.
Поддршка кон Мбапе сега преку медиумите изрази Тибо Куртоа кој порача дека и тој своевремено се наоѓал во слична ситуација.
„Мбапе поминува низ тежок период. Не е во прашање професионализам или желба. Слично нешто ми се случуваше мене кога пристигнав во Мадрид. Во одредени моменти едноставно не ви оди. Не значи тоа дека помалку се трудиш и во такви ситуации мора да останете смирен и да продолжите да работите.
Пресвртница може да биде само еден натпревар и убеден сум дека наскоро ќе започне да игра како што најдобро знае. Се надевам голот кој го постигна против Гетафе ќе му даде самодоверба“, изјави Куртоа.