Фудбалерите на Реал Мадрид го искористија вчерашното реми на Барселона со Селта и со сигурна победа од 3:0 на гостински терен против Леганес се доближија на табелата.
Од почетокот на натпреварот Реал тргна по трите бода, но на првиот гол се чекаше се до завршницата од првото полувреме кога Килијан Мбапе погоди на асистенција на Винисиус Жуниор.
Не се промени сликата на теренот ниту во вториот дел, се играше константно пред голот на домаќините, а Валверде во 66. минута зголеми и на 0:2. Тука веќе станувааше јасно дека Леганес нема сили за некакво изненадување. Точка на натпреварот стави Белингем со погодокот во 85. минута.
На табелата „кралевите“ сега се второпласирани со 30 бода, еден повеќе од Атлетико и четири помалку од Валенсија, но избраниците на Карло Анчелоти имаат и натпревар помалку против Валенсија.