РБ Лајпциг работи и е близу до уште еден трансфер кој ќе му предизвика главоболки на Ељиф Елмас.
Се работи за Артур Вермерен, младиот фудбалер за врска на Атлетико Мадрид. Според првичните информации, Лајпциг е подготвен да го доведе Белгиецот на позајмица, но повеќе информации ќе бидат познати наскоро. Вермерен минатата зима пристигна во Атлетико за 18 милиони евра од Антверпен. Тој важи за еден од најперспективните играчи за врска во својата земја.
Доаѓањето на Вермерен ќе биде дополнителен проблем за Ељиф Елмас. Македонскиот репрезентативец се мачеше да се наметне во клубот на кој му се приклучи во јануари. Покрај тоа, Лајпциг избоксува нова позајмица на Чави Симонс од ПСЖ, а сега ако најавите се точни ќе го „разигрува“ и Вермерен за Атлетико Мадрид.
Елмас се мачи да фати минутажа, во првото коло против Бохум го преседе натпреварот на клупата, а доаѓањето на Артур Вермерен нема да му помогне во исполнувањето на личните цели.