107
Екипата на Атлетико Мадрид не победи и одигра само реми 1:1 во натпреварот против Рајо Ваљекано во последниот натпревар од денешната програма во шестото коло од шпанската Ла Лига.
Рајо и прв дојде до водство со голот на Палазон по нешто повеќе од половина час игра. Со тој гол заминаа и со минимална предност на паузата.
Атлетико од самиот старт во вториот дел заигра подобро, а со голот на Галагер во 49. минута успеаа брзо да дојдат до изедначување.
Имаше Атлетико иницијатива до крајот, но без некои посериозни шанси, па така двете екипи ги поделија бодовите.