Фудбалската репрезентација на Канада направи неверојатен успех во своето прво учество на Копа Америка откако стигна меѓу четирите најдобри на турнирот.
Дека ова ќе биде убав ден за Канаѓаните најави Шафелберг уште во 13. минута кога донесе водство за својата репрезентација од 1-0.
Во првото полувреме Канада имаше уште неколку шанси да го зголеми водството, но не успеа во тоа.
Казната стигна во 65. минута кога Рондон од речиси половина терен го лобуваше истрчаниот голман на Канада за израмнување на 1-1.
Пенал серијата беше неизвесна, стигна до шест шута, Канада промаши двапати, Венецуела трипати по што можеше да почне радоста на Канаѓаните.
Тие во полуфиналето ќе играат против селекцијата на Аргентина.
