Симоне Инзаги зборуваше по ремито во дербито на Интер и Наполи (1-1) во рамките на 12 коло на Серија А.
Италијанскиот тренер смета дека во последните десет натпревари, неговиот тим требало да има исто толку победи.
„Честитки до екипата, а ако некој требаше да победи – тоа бевме ние. Доминиравме во вториот дел. По натпреварот со Арсенал не очекував вака импресивен перформанс. Промашивме пенал, двапати погодивме статива, не знам што требаше повеќе да направиме за да победиме.Имам доверба во екипата, мора да продолжиме да работиме. На последните десет меча победивме осум пати, ама ние сме Интер и требаше да имаме десет победи“, изјави Инзаги.
Интер е четвртопласиран на табелата со 25 бода, еден помалку од Наполи, а израмнет со Фиорентина, Лацио и Аталанта.