Фудбалерите на Челси и Кристал Палас одиграа нерешени 1-1 на „Стемфорд Бриџ“ во рамките на третото коло на Премиер лигата.
Успеаја „сините“ да ги израдуваат своите навивачи и во првиот дел поведоа преку Николас Џексон во 25. минута. Сепак, во продолжението од средбата, поточно на стартот на вториот дел Еберичи Езе го смрзна гледалиштето на „Стемфорд Бриџ“.
Течеше 54. минута кога Езе изведе маестрален удар од надвор од шеснаесетникот, а топката со многу ефе заврши крај стативата за 1-1, резултат кој се испостави како конечен.
Њукасл Јунајтед славеше во дербито против Тотнем со 2-1 (1-0). Пресметката на „Сент Џејмс Парк“ понуди гол во првиот дел на Харви Барнс, а потоа Брн си даде автогол на стартот на продолжението. Херој на Њукасл беше Александер Исак, кој во 78. минута донесе триумф и три бода.