Дејан Ѓуриќ останува во Вардар, потпиша нов договор

Најтрофејниот македонски фудбалски клуб Вардар објави дека во следната сезона ќе го задржи Дејан Ѓуриќ.

Одличниот српски дефанзивец минатата сезона одигра перфектна пролет и беше еден од најдобрите поединци во таборот на вардарци. Клубот успеа да се договори со Ѓуриќ и ја продолжи соработката за следната натпреварувачка сезона.

Минатата кампања Дејан Ѓуриќ одигра 15 натпревари во ПМФЛ и успеа да постигне три погодоци.

Вардар веќе го гради тимот за новата сезона, успеа да го врати Филип Најдовски, а најавени се и уште засилувања.