Голем удар за Германија, важен играч го пропушта осминафиналето

Германската фудбалска репрезентација на натпреварот од осминафиналето на Европското првенство нема да може да смета за еден од главните дефанзивни адути.

Џонатан Та заработи жолт картон во првото полувреме од натпреварот против Швајцарија, а тоа значи суспензија од еден натпревар. Стоперот на Баер Леверкузен заработи јавна опомена и во првото коло против Шкотска, па поради тоа нема да му биде на располагање на селекторот Нагелсман во осминафиналето.

Германците го чекаат својот противник во првата нокаут рунда на шампионатот. Тие ќе се судрат со второпласираната селекција од групата Ц каде што се натпреваруваат Англија, Данска, Словенија и Србија.