Во Јувентус пристигна како големо засилување, а заминува по само три месеци?!

Даглас Луиз пристигна во Јувентус од редовите на Астон Вила како големо засилување за сума од 51.5 милиони евра, но на почетокот од неговата епизода во Торино не му оди.

Во Астон Вила одигра солидна сезона во која на 35 натпревари постигна девет гола и подели пет асистенции и се очекуваше така да продолжи. Сепак, во Јувентус е далеку од добрата форма.

Под водство на Тијаго Мота, Луиз досега има осум настапи, но ниту еднаш не беше стартер. Во Серија А собра 222 минути, а во последните два натпревари и направи пенал.

Исто така имаше грешка која Јувентус можеше скапо да ја плати и против Лајпциг во Лигата на шампионите.