Руд ван Нистелрој брзо би можел да најде нова работа откако замина од Манчестер јунајтед, се шпекулира дека наскоро ќе стане тренер на Барнли.
Барнли имаше доставено понуда до Ван Нистелрој уште минатото лето, но тогаш брзо реагираше Манчестер јунајтед и Холанѓанецот се пресели на Олд Трафорд.
Тоа што тогаш не му успеа на Барнли, може да му успее сега.
Скот Паркер добро ја почна сезоната со Барнли, но потоа влезе во криза поради која би можел да добие отказ.
Во последните пет кола Барнли има само една победа, во последните 13 натпревари постигна девет гола и тоа придонесе да падне на четвртата позиција на табелата со четири бода помалку од лидерскиот тандем Сандерленд-Шефилд Јунајтед.
Поради тоа се шпекулира дека Паркер би можел да добие отказ, а на негово место да пристигне Ван Нистелрој.